The content is available in Chinese.

昂坪360為咗令小朋友有嶄新網上學習體驗，特別舉辦咗兩項活動，包括「綫上遊大澳」導賞團及「360小小工程師STEM直播工作坊」，其中導賞團報名反應熱烈，300個名額迅即爆滿；工作坊報名期由即日起至3月27日中午12點正，名額有限，都係先到先得㗎。
黛安知道，今次工作坊係昂坪360聯同本地科學教育機構BIG BANG ACADEMY合辦，內容結合STEM、英語及科學實驗等元素，以「學做小小工程師」及「了解自然生態」為題，以網課形式教小朋友運用簡單材料，DIY製作纜車及利用化學原理製造蝴蝶模型。「親子STEM直播工作坊」將由劍橋畢業嘅BIG BANG ACADEMY科學專家主理，以英語生字學習及英文工作紙，小朋友可在家一邊做實驗，一邊探索大自然科學世界。
工作坊對象係6至12歲小朋友，套票價為$120（需自行準備材料包），價錢包括昂坪360「來回標準纜車換票證」1張，可於纜車重開後4個月內使用，套票可於昂坪360官網及指定網上旅行平台購買。